حلويات

طريقة عمل بلح الشام المظبوط جدا مقرمش جدا

بلح الشام

بلح الشام المظبوط جدا مقرمش جدا وهو من الحلويات الشرقية التي يحبها الكبار والاطفال وسنقدم لكم طريقة عمل بلح الشام بطريقة سهل وسريعة ومقرمش ويأتي اسم بلح الشام لان اصلها سوري ويأتي ذلك لتشبه البلح وهي غتية بالسعرات الحرارية والان نأتي لمعرفة الطريقة والمقادير لكي نقدمها في المنزل لاطفالك

طريقة عمل بلح الشام

المظبوط جدا مقرمش جدا من بره وطرى من جوه وسهل جدا بجد من المطبخ المصري

وياسلام عليه بالعسل وعليه خيوط نيتويلا كده اييه رهيب

طريقة عمل بلح الشاام المظبوط جدا مقرمش جدا

مقادير بلح الشام

المكونات

  • كوب ونص مايه
  • كوب ونص دقيق
  • ٣ بيضات
  • معلقتين كبار ممسوحين سميد بسبوسه
  • رشه ملح كيس فانيليا معلقه سكر
  • معلقتين نشا كبار ممسوحين
  • معلقتين زبده كبار
  • زيت غزير للقلى
  • شربات كنافه تقيل ( ٢ كوب سكر على ٢ كوب مايه وعصره ليمون ومعلقه سمنه وفانيليا وعسل ابيض فى الاخر )
طريقة عمل بلح الشاام المظبوط جدا مقرمش جدا

 طريقة التحضير

هاتى طبق حطى الدقيق والسميد والسكر والنشا والملح وقلبى كله فى بعضه

على النار هنحط المايه والزبده ونسبهم يغلوا والزبده تسيح ننزل بخليط الدقيق بالتدريج مع التقليب هتلاقيه لم كده زى الصوره

هاتى كبه ولو عندك سلاح بلاستيك بتاع العجن استخدميه ممكن تعمليها يدوى بالمضرب بس ايدك هتوجعك

حطى الخليط وانزلى واحده واحده بالبيض والفانيليا واضربى بعد كل بيضه

هتلاقيها لمت وبقت عجينه ملساء زى الصلصال كده

هاتى صنيه وشكلى عليها بلح الشام بقمع انا كان عندى قمع بلاستك تافهه جدا الصراحه استخدمته وقضى الغرض الحمد لله وعملته بايدى عشان كيس الحلوانى اختفى فى ظروف غامضه والجيش قالك اتصرف وطلع جميل الحمد لله

هاتى حله غويطه واملى ربعها زيت ودفى الزيت يعنى ولعى النار وانزلى ببلح الشام على طول والزيت بارد دافى بسيط اوى
وعلى النار بقى وسبيه هياخد وقت شويه بس عينك عليه لما تلاقيه هياخد لون خلى النار وسط وقلبى فيها بقى لغايه ما ياخد لون دهبى جميل وطلعيه على ورق يتصفى ثوانى وانقليه على طبق غويط فيه الشربات التقيل البارد وغلفيه كله بقى ويقدم

لو هتعملى كميه تانيه طبعا اقفلى النار وسيبى زيت يبرد وممكن تزودى شويه زيت عشان يبرد اسرع وابتدى حمرى تانى بلح الشام لما يبقى الزيت دافى وتقدرى تحطى ايدك فيه

الوسوم

مقالات ذات صلة

اترك تعليقاً

زر الذهاب إلى الأعلى
إغلاق
إغلاق